车迷网

标题: 阻拦重重，搞左足足一日，终于搞完年审，七年车尾气靓仔到无朋友。另有年审新政。 [打印本页]

作者: 安anson哥 时间: 2013-3-12 12:09
标题: 阻拦重重，搞左足足一日，终于搞完年审，七年车尾气靓仔到无朋友。另有年审新政。
话说，琴日早上9点九就去检测站年审。交完资料同钱之后，就开始排队。
点知排左一阵先知道，安检同尾气两条队都同时进行，可以自己选择测边样先。而我排紧条队系检测尾气。前面虽然只有十几部车，足足排左一个上午。原来有好几部估计私下俾左钱既车，尾气唔过，一直占住个位置连续测几次。后来唔得开到旁边，等一阵又再翻叮。搞到条队龟速爬行。其中就一部旧款凯越同锐志，翻叮两三次。

尾气排晒长龙，安检即使系大货同小车混合检测都好快，基本都只有5、6部小车等。我检完尾气都差唔多12点了，拿拿声去排安检，排左一阵又话落班要等下午上班。
好了，下午上班，点知机头，远近光，转弯灯、喷水雨刮、雾灯都睇完，睇见胎ling唔系原装，唔俾我上线，叫我去换。当时心情真系跌到谷底，因为台车我系接手我大佬，胎ling早就换左4、5年了，而且旧年开始一年一审都无话胎ling唔得。好艰难地翻去旧屋稳到铺晒尘的钢ling同胶盖，好彩当初无当废铁卖左，如果唔系就要以废铁N倍价钱买翻来。又马上车去轮胎店俾左100蚊换胎ling，再将铝ling放翻去旧屋，然后飞奔去检测站。

一去到就马上去排队上线，点知又话车尾有贴纸，系“汽车之家”同“看，有飞机”的图案，话车尾除左 “实习”，唔俾贴其它任何野，我又唯有马上拿把刀仔出来即刻刮左D贴纸。

到最后，过左线了，检测结果都拿到了，已经4点有多了，排队上传资料，等打印合格证。点知又系最后两三个人时，话落班了，上传唔到，要第日再来。

今日一早，八点半就马上到检测站，等拿证，最后都要等到九点几先拿到，成个检测过程其实都只系半个钟，但我就足足“等”左一日时间。好彩就系，终于搞掂年审。另外尾气一个系0.1一个系0.2.七年车，劲啊！

今日等证时听到一条新政策，就系年审车辆检测过程要全程跟踪拍摄，中间唔可以断，即日开始。唔知道系咩原因了。

作者: ymhoo 时间: 2013-3-12 12:22
慰问，看来我车迷网尾标年审后还在，算好彩了。

作者: 天线宝宝 时间: 2013-3-12 12:26
看完一身汗！这是难过上青天？？？？

作者: 网络很浅 时间: 2013-3-12 12:48
各个站点不同吧，我去年去农林下，一个小时左右全部搞定

作者: andylee988 时间: 2013-3-12 14:07
请问楼主系边间检测站？

作者: 粤A夏利 时间: 2013-3-12 16:09
车尾贴纸都唔得，你唔当场叼七距！叫距拿文件过来。。。

我上次系广物汽贸果间叼系检测站，又系诸多刁难，一阵话我车灯唔够光，一阵又话挡风玻璃贴膜颜色深了。。。我重新排队换过一个人检就无问题；到最后又话我胎铃有破损，当场我就发烂渣，一个话得事噶见情况走埋离，妆模作样睇佐两下，话本离唔得噶啦，今次就比你过算啦；我艹

最后到盖章，又等七佐个几钟，到五点几先开咪话我台车唔通过，连忙去问，点知又话我台车影相唔够清，话今日唔可以重新影了，要我第日上午再过来，叼距老味，霖起都火滚

作者: 安anson哥 时间: 2013-3-12 16:22

原帖由 andylee988 于 2013-3-12 14:07 发表
请问楼主系边间检测站？

保税区广保安，最主要系近屋企，所以先去。

作者: 安anson哥 时间: 2013-3-12 16:24

原帖由 粤A夏利 于 2013-3-12 16:09 发表
车尾贴纸都唔得，你唔当场叼七距！叫距拿文件过来。。。

我上次系广物汽贸果间叼系检测站，又系诸多刁难，一阵话我车灯唔够光，一阵又话挡风玻璃贴膜颜色深了。。。我重新排队换过一个人检就无问题；到最后又话我 ...

其实，系D人嫌麻烦样样都搞到鬼甘严格。我去果D人态度唔算好差，只不过都系果句“我俾你过，车管所果边都一样话唔得”

作者: Rio 时间: 2013-3-12 17:23
点知机头，远近光，转弯灯、喷水雨刮、雾灯都睇完，睇见胎ling唔系原装，唔俾我上线，叫我去换。

作者: 安anson哥 时间: 2013-3-12 17:37

原帖由 Rio 于 2013-3-12 17:23 发表
点知机头，远近光，转弯灯、喷水雨刮、雾灯都睇完，睇见胎ling唔系原装，唔俾我上线，叫我去换。

以上系属于外观检查，身穿“辅助检测员”的人负责。

作者: C.A 时间: 2013-3-12 18:58
返来市区的检测站，来回都不用你在屋企附近的检得耐。

上周才年审完，车尾贴了三张贴纸都一样过没事。

作者: 万紫千红 时间: 2013-3-12 20:49
恭喜年审过关

以后要全程跟踪拍摄？又要多收－项费用

作者: 安anson哥 时间: 2013-3-13 10:43

原帖由 C.A 于 2013-3-12 18:58 发表
返来市区的检测站，来回都不用你在屋企附近的检得耐。

上周才年审完，车尾贴了三张贴纸都一样过没事。

旧年年审我都系果度搞，仲要系下午先去，前后都系半个钟多D。就系唔明点解今年甘Q麻烦。

今日早上，我老婆话水荫路果度年审排队，搞到水荫路塞车。

作者: 每日闲情 时间: 2013-3-13 11:56
细细声问下，今年年审是米一定要先交左车船税先得。

作者: 安anson哥 时间: 2013-3-13 12:05

原帖由 每日闲情 于 2013-3-13 11:56 发表
细细声问下，今年年审是米一定要先交左车船税先得。

系啊，最後提交資料時要掃描車船稅FP。

作者: 飞侠多多 时间: 2013-3-13 14:50
唔系落马就系跳楼唯有装模作样渣正来做，无论边种方式受损失既永远系普通车主，一系金钱、一系时间精力。

作者: 总政委 时间: 2013-3-13 14:54
车尾贴纸都话唔得你早应问候佢啦

作者: C.A 时间: 2013-3-13 17:02

原帖由 安anson哥 于 2013-3-13 10:43 发表

旧年年审我都系果度搞，仲要系下午先去，前后都系半个钟多D。就系唔明点解今年甘Q麻烦。

今日早上，我老婆话水荫路果度年审排队，搞到水荫路塞车。

水荫路那，近排最佳时间是12:00--1:00去车少很多，就排到门口。我两天路过都是这样，当时询问门口保安也这么建议。

作者: 老曾 时间: 2013-3-13 19:27
验车定系验尸？

作者: 包智杰 时间: 2013-3-13 23:15
楼主全程都无讲自己部咩车

作者: 安anson哥 时间: 2013-3-14 10:23

原帖由 包智杰 于 2013-3-13 23:15 发表
楼主全程都无讲自己部咩车

个个发年审帖都无讲自己咩车喔。我部系雪佛兰乐骋(即系爱唯欧AVEO前一代)

欢迎光临车迷网 (http://47.75.87.77/)