美国西岸租车，泊车，罚单攻略

dreamfly · 发表于 2014-10-12 10:32:41

之前去美國西岸玩左兩個星期，遊記果d就費事寫，講下係美國租車，俾路費，泊車，罰單嘅嘢啦. 西岸同東岸都有唔同，呢次講西岸嘅..

1.租車，美國西岸嘅大城市，羅省，舊金山國際機場已經有好多租車公司，國際知名嘅就係果幾間，幫襯開有白金，會員卡又唔想煩嘅就幫襯返果d就得。我今次就冇幫襯hertz，因為有九折之後都仲係貴好多，今次幫襯間係美國較細嘅公司，全程十分滿意。

租車可以自己係網度比價，比完價發覺官網預訂仲平，而且即刻俾信用卡嘅話，仲有額外折，不過諗住穩陣，就先預約就得啦。

跟住去到LAX，要睇清楚shuttle bus嘅指引，大公司嘅就好多，好密嘅專車，細公司嘅就要自己睇清楚，有咩唔明可以去機場information去問，有嗮詳細嘅電話等，個伯伯仲好好人，會幫你打電話叫車，唔嗮自己係出邊打好污糟嘅公用電話。

我去攞車嘅時候，早到左一個鐘，個CS即刻幫我改時間，同埋免費升級到高一級嘅車。當然會遊說你買d保險，road assit咁，不過美國保險已經比其他地方厚道好多，全部都係ZDW，所以其實唔嗮點加。

到左要還車嘅時間，因為趕唔及，就打電話俾CS，就即刻加多一日，冇罰款，冇額外行政費等。

還車嘅手續都好簡單，停好車，將鎖匙俾前台就搞掂。之後出單會發email俾你，鎖左嘅信用額都解鎖返。

dreamfly · 发表于 2014-10-12 10:33:06

要出去飲茶，暫時寫住咁多先。

dreamfly · 发表于 2014-10-12 10:43:37

2.俾路費，今次大概揸左3k miles，4千幾公里，唯一俾過路費就係bay area嘅橋，如果行多少少，可以連呢個都唔嗮俾。

當時過橋仲擔心會有e-tag嘅問題，不過揸到去，最右邊有cash lane，不過提示好短，(又或者揸太快，因為其他美國車已經百二三，我睇路牌都淨係慢到百幾)，去到已經係實線，唔想cut實線，就咁揸到去右二lane發覺呢條lane都有cash station同e-tag，美國道路嘅指示同規劃真係一流。

dreamfly · 发表于 2014-10-12 11:08:55

講多句租車嘅車牌問題，今次幫襯嘅細公司，就大陸，香港車牌都唔得，最後要用到安省嘅車牌，咁就冇問題啦。

dreamfly · 发表于 2014-10-12 11:25:47

3.泊車

酒店一般有免費泊車，不過分清楚係self parking仲係valet parking.

不過當然，大城市，市區就冇免費泊，今次搵左個平d嘅，都要差不多30美金停一晚。

例外嘅大城市就系las vegas，self parking都係免費嘅，有d酒店仲valet parking都免費。

除左過夜之外，就係臨停，一般街邊都可以停，有d係免費，不過要睇清楚時段同最多停幾耐，有咪表嘅就俾錢就得，quarter或信用卡都得，又係要睇清楚最多泊幾耐，到幾點。

泊停車場就冇乜，攞車紙（多數唔係車卡），自己去俾錢，多數係自動找贖機，之後就出閘。

有d酒店嘅self parking要滴果張房卡入地下停車場，不過唔多見，睇清楚指示就得。

zengzzg · 发表于 2014-10-12 11:25:55

车网攻略越来越强大了

dreamfly · 发表于 2014-10-12 11:47:49

4.罰單

一般係北美揸慣車嘅，stop sign, speeding果d都唔講啦。

我今次係舊金山收左張60文美金嘅罰單，原因係因為舊金山多坡，泊車嘅時候要將車胎扭一圈，方向視乎係上坡仲係落坡。

其實之前聽過下，不過冇乜點留意，而且泊街邊嘅時候，都唔算坡，泊左半個鐘之後，返來就發現呢張罰單。

前後左右好幾部車都冇扭胎，一樣冇事，不過佢地有d係其他州嘅牌，我租果部係加州牌...

因為有d趕時間，想交左算啦，不過又諗諗條氣唔順，就打電話去張ticket後邊嘅電話，個鬼佬聽完就話遊客可以去申述，俾左個地址...

原先仲諗住去申述要係好似加拿大咁要上庭同法官講，如果係咁就去鬼咩，不過既然個鬼佬話可以，就咁去啦....

個地方係市區，三藩市較為靚少少嘅地方... 去到就係街邊，冇專門停車場，就泊街邊咪表...

之後入去，攞號，講明要申述，跟住就等叫名，原來就係隔離就有hearing officer room,等十零分鐘就入去見個officer，講兩句佢就已經話呢d事情成日都有，跟住打封信就免左張罰單。

事情搞掂，不過前後就嗮左我差不多兩個鐘嘅時間.

呢樣睇過比較少人知，就講出來，大家下次去三藩市就記得啦.

dreamfly · 发表于 2014-10-12 11:48:26

其他就冇乜啦，寫完收工，去飲茶啦~

周哈哈 · 发表于 2014-10-12 12:32:12

98肥牛 · 发表于 2014-10-12 12:39:47

三藩市路边停车一定要按：落坡打右、上坡打左。咁样可以防止刹车失灵时，汽车前后溜。就算溜也不会到马路中间。

俾路費
试过喺洛杉矶新开的连接路上走，就一段1.5英里。
当时睇到头顶有一排自动读卡器才知道，过了看到后方龙门架LED有提示我车没有扣费成功请于7天内到xxx网站缴款$1.2元。
租的车怎么会有ETC尼，呵呵！
第二天还了车，顺便在租车公司的电脑上去交了过路费。
30天后授权自动解锁，乜费都无。

我喺安飞士租的，比租车公司官网仲平得多！
7人车20日+1个副驾驶+全保+送导航=5860人仔。

[ 本帖最后由 98肥牛于 2014-10-12 12:45 编辑 ]

天字 · 发表于 2014-10-12 12:48:33

bus\car之类的英文知道意思，其他嘅就靠估，cs是销售？

波罗密多 · 发表于 2014-10-12 13:05:59

临停还要看清楚收费时段，很多晚上6:00后是免费，搞错就亏大了

大雄 · 发表于 2014-10-12 13:09:10

原帖由 98肥牛 于 2014-10-12 12:39 发表
三藩市路边停车一定要按：落坡打右、上坡打左。咁样可以防止刹车失灵时，汽车前后溜。就算溜也不会到马路中间。

俾路費
试过喺洛杉矶新开的连接路上走，就一段1.5英里。
当时睇到头顶有一排自动读卡器才 ...

想不明白不是应该上下坡都打右吗？上坡打左溜后的话一样会溜到路中间啊。。。

天字 · 发表于 2014-10-12 15:34:22

·

[ 本帖最后由天字于 2014-10-12 15:39 编辑 ]

苍老师 · 发表于 2014-10-12 15:45:39

还是发个签证攻略实用点吧

dreamfly · 发表于 2014-10-12 17:08:46

原帖由 98肥牛 于 2014-10-12 12:39 发表
7人车20日+1个副驾驶+全保+送导航=5860人仔。

我就camry SE 11日+全保+稅+機場費=hk$23xx=rmb18xx左右..

導航我就私家garmin一機走天涯，幾大洲都冇問題.

dreamfly · 发表于 2014-10-12 17:11:47

原帖由天字于 2014-10-12 12:48 发表
bus\car之类的英文知道意思，其他嘅就靠估，cs是销售？

客服啊~

98肥牛 · 发表于 2014-10-12 18:25:31

原帖由大雄于 2014-10-12 13:09 发表

想不明白不是应该上下坡都打右吗？上坡打左溜后的话一样会溜到路中间啊。。。

打左溜后会给马路牙子顶住。

农民八八 · 发表于 2014-10-12 19:22:38

原帖由 dreamfly 于 2014-10-12 17:11 发表

客服啊~

前几日在一号公路超速，被亮灯跟车，截停，开单。超了20%，黄单，唔知几钱，传说150刀，要打电话问点交。美国高速一般每辆车都超速的，只要不离谱就是了。

农民八八 · 发表于 2014-10-12 19:55:40

停车仲有好多，2小时停车，3小时停车免费或者收费的咪表，啊蛇会过来用笔画你车胎记录。停车一般都要停系画线内，地上有轮椅标识的是给行动不便或特殊人群停的。还有有斜纹线的划线格唔停得。无事停会受罚。
高速基本没有收费的，但有D私家路或穿过收费景区的路系会收费的。
穿越市区的高速好多有Carpool lane在最左边车道菱形标识，2人或3人以上在车的可以走此道，快速啊，要赞。
被警察截停千万不能下车，或解安全带，包括乘客，一个民众有枪的国家，警察会拿枪指你的。
某些州走高速全天候都要开车头灯。各个州都有D自己的法律，你要遵守。
太多了，写唔晒。

		自动登录	找回密码
密码			注册