美國自駕游攻略 手機網絡，搵食篇

dreamfly

寫埋佢啦...

去美國點都要上網嘎，用yelp用咩...etc...

美國以前好鄉下，根本冇乜人用手機，有咩都係直接voice mail，2G時代，美國多數係自己嘅CDMA制式，以前香港和記有個PCS機，就係果d咁上下啦...

後來蘋果教永遠精神教主夾不斯推出iphone之後就完全改變左美國嘅上網市場...

信號最靚係verizon，不過佢嘅cdma base，雖然有4GLTE不過個頻率唔係咁適合,700mhz,17,2100mhz.. 有wifi分享器，不過始終唔夠就咁換卡用手機方便。

信號第二靚就係老牌嘅AT&T，而且係行歐洲GSM升級嘅WCDMA，FDD-LTE.... 咁就係最適合換卡用返自己嘅手機啦.. 頻率都適合，我部機嘅3G就四個頻率全齊，使用冇問題... hspa+行dual band嘅話，速度可以去到42M... 呢個其實已經係4G嘅速度啦..

至於t-mobile果d就.... 信號好嘛嘛，市區或者得，不過去到國家公園就... 你懂得...

講完個網絡，就要講營運商啦... at&t係網絡商，又做埋營運商，而且除左佢自己之外，有好多細公司會用at&t嘅網絡來做營運商，果d係最適合客戶嘅.... 大公司嘅plan，大家都知有幾著數啦..

揀落之後，就發覺有兩間，其中一間係at&t嘅親身仔，另外一間其他....

plan都差不多，50文美金套餐，美國國內電話，sms全免費,數據就一個2.5G,一個2G... 呢個數據係full speed嘅，超左仲可以用返edge，全免費，不過個速度就....

最後揀左另外一間公司，冇揀at&t嘅親生子... 因為另外一間嘅套餐有得免費打國際長途俾包括中國大陸，香港，加拿大... 好抵啊...

不過呢間公司嘅卡，要自己用9.9美金買個startkit,遮sim卡，之後要開卡....  

我係bestbuy買，個pk sell屎話呢d卡佢地淨係寄賣，所以唔會幫手開卡，要我自己開.... 諗諗下，算啦，自己搞得掂嘅.. 就買左，結果開卡就好麻煩，要上網先，或者打800電話，頂.... 我買張卡就係想上網同講電話，你個pk仲要我咁先開到卡... cao~

買都買左，成60美金，都要用嘎，就夾硬用商場嘅免費wifi諗住上網開卡，頂... 要註冊帳號，要驗證，又呢樣，又果樣... cao~

冇計，去到車度，用自己嘅聯通手機漫遊打電話來開卡，按照提示，入嗮d號碼，激活碼，充值啊，呢樣果樣，後來個system問我area code，zip code, cao~ 點知啊，結果電話就自動轉左去人工，個CS俾我發左一輪脾氣，都好好地幫我開返嗮，跟住問佢上網要唔要set APN，佢話要，不過我就唯有掛左電話再set啦...

就咁，漫遊開卡用左我三十文電話費，其實諗返應該直接係bestbuy或商場問佢地借電話，800電話都係免費嘅嘛....

咁就係知道點解at&t親生子仲可以生存嘅原因啦，佢地有職員幫你set好嗮....

後來我自己返到酒店用wifi查左資料之後就set返APN，跟住就見到HSPA+嘅H+標誌... wifi share出來都冇問題... yeah~ 大成功...

at&t果d wifi share有限制嘅... so..

之後行動上網就好鬼爽... 信號都好ok，at&t嘅嘛，國家公園有d地方仲係冇網絡，不過都好ok啦...

兩個星期用左1.3G左右，係高速揸緊車，120速度嘅時候數據可能會慢d，其他都ok...

最爽係免費國際長途...

dreamfly

上網除左查資料，上facebook,whatsapp之外，最有用嘅就係yelp啦，遮大眾點評抄嘅果個原版..

一開始，想食湯河，粵式嘅就冇啦，咁就搵越南嘅pho啦... 一搵，有間好高評價，yelp嘅價錢冇寫明幾多，得三級，一個錢錢 $ 到三個錢錢 $$$...

結果果間係一個錢錢嘅... 揸車去到，一食真係幾一般....

所以後來係yelp搵嘅呢，最少250篇評論，好評超過八成半，錢錢最少兩個嘅，咁一路搵落來嘅其他食肆都幾掂...  三藩市果d炒牛河仲好食過廣州嘅，不過未夠香港嘅...

都唔出奇嘅，粵菜咁，海鮮果d，溫哥華，多倫多嘅其實有d已經好食過香港添.. 其他小菜都好高水準..  近幾年興嘅北方菜就不予置評啦~

dreamfly

講完收工，食晚飯~  

dreamfly

infinity loop果間鋪好多人去朝聖消費... 不過門口連蘋果嘅標誌都冇... 起碼我睇唔到啦...

蘋果呢間公司真係....

google就乜都冇得睇~  tesla就冇時間去...

清晖

scorch

米国的移动通信比中国落后好多，3年前去，好多著名的国家公园景区和区域，连GSM都无，在犹他州好多地方，连iphone都搜唔到有电信营运商的GSM信号。

小师

robert_fan

乡巴佬路过一下。。。