现在的东S仿佛不是以前的东S了

lcm7

我在东盛审了7年，尾箱的BabyinCAR贴了7年，一直都没事，上年去东盛个肥仔话车身有贴标签,其他都没问题，一定要复检，XX个肥仔，结果隔离个老点的师傅话撕了就可以了，撕完马上复检过了

柯林

lcm7 发表于 2019-3-8 10:30
我在东盛审了7年，尾箱的BabyinCAR贴了7年，一直都没事，上年去东盛个肥仔话车身有贴标签,其他都没问题，一 ...

所以话睇边个搞你架车咯，换个人就唔同结果，我旧年都系贴标贴话唔过，好，哩D外观嘢直观睇到，你话唔得，我都服，但制动哩D嘢，4S上线查过话冇问题，去到“你”检测站话唔过，玩残，最后交完复检费就过，自己谂咯

老牛车

讲起东S旧年年审就一肚火，台车已经14年，年年年审指标靓过靓女！旧年居然话影相时车架号最后一位不符，佢玛丽隔壁，睇真D原来最后一位有一竖略为浅D，要我整改，咁就真系超级大搞嘢，如果真喺要搞超级多手续，可能仲要去车管所申请，差D玩死，后来用快湿巾擦下搞番掂，我用自己手机影得清清楚楚，玛丽隔壁东SD垃圾相机真喺食屎！领教过。

老牛车

驻车以前试过一镬，去汽修店拉番紧即刻搞掂。

柯林

老牛车 发表于 2019-3-12 20:41
讲起东S旧年年审就一肚火，台车已经14年，年年年审指标靓过靓女！旧年居然话影相时车架号最后一位不符，佢 ...

更多年都过关，哩个年代，咁旧车，边个仲会去偷车改车架号去年审啊，弱智咩，你估佢唔知啊？不过就系搵到少少唔系理由的理由想“创收”遮，应该就系我所讲理由-----预约制之后，你“服务”再好，限制咗佢接单数量，以前系靠“服务”，靠提供“便利”俾车主，吸引多D车去佢度审，依噶只能靠“屎桥”来创收咯。
唔讲唔知，原来依噶既东S咁多嘢玩啊？唔怪之我以前冇留意到咁多车复检，哩次留意，居然半个钟内有7.8台车都系来复检的

柯林

老牛车 发表于 2019-3-12 20:44
驻车以前试过一镬，去汽修店拉番紧即刻搞掂。

哩D简单嘢我自己都识得郁手搞，但就算自己拉紧，去到4S上线测过都话驻车好靓咯，又点？唔俾你过的招数多啦，卒之咪要拉成拖刹状态去东S, 交埋钱先至过关，你话如果规定复检10次都唔使交钱，佢仲可以玩哩招？