过节觅食之旅--再战顺德

Milly猫猫

好耐无整理觅食记录，今日应节上离晒晒 话说继上次牛一之后，对顺德美食线念念不忘，相信顺德美食卧虎藏龙，所以做好功课再战顺德。 今次专攻顺德小炒，去左好多人推介既千家客。 之前已经知道好爆满，所以做足准备功夫，差唔多一点先去到（其实GPS都为“拖延”出左一分力 ），外面依然都系停满晒车，所以觅食队员马上精神为之一振！ 去到里面一睇环境已经觉得好有mood，成墙都系推介菜式，全部都系地道家常小炒，眼花缭乱~ 根据人地介绍点左海蜇捞鸡（几乎话系必点），煎咸三泥，然后部长推介既焖笋炒生菜，最后加自己比较中意既传统蒸肉饼，总共四样野。 由于只有两个人，所以前面两个菜其实都只系要半份，部长仲话一定食到，结果一上菜，俺们就后悔了... 大大碟海蜇捞鸡，睇落分量同平时人地一只分量差唔多，而且最好就系D海蜇唔系平时食果D人造海蜇，应该系天然海蜇，颜色比较深，好爽脆，所以睇落好吸引。 食落呢...就觉得不过不失啦~其实味道唔差，只系无原先想象中禁不得了咯~同其他食评描述有小小距离，但海蜇的确系要赞下，好食，但可惜就比较少啦，几粒就食晒。 离个海蜇特写先~ 然后就上焖笋炒生菜喇。样子就真系唔多好睇，食落又系果句：“OK啦~~~”笋的确系几爽甜，而且仲系用几靓既五花肉焖既，味道唔错，生菜就系普通炒生菜喇。 煎咸三泥同肉饼都上左，由于前两个菜同期望值相差比较远，所以呢两个菜上左离之后唔记得原貌留照，食到半路先醒起要影相！ 结果其实都系一样，味道OK，煎咸三泥够香脆，咸鲜略嫌重味左D，表面洒左D白砂糖，咬落味道有D复杂...肉饼虽然好普通，但一致认为系最好食既！ 原因系距做既系梅菜马蹄肉饼，食翻细个住家既味道，所以反而感觉最好！ 总结离讲，就系唔差既一间食店，但唔属于要专程去食既级数喇。各位食客如果经过顺德，可以不妨去试一下。

[ 本帖最后由 Milly猫猫 于 2012-2-14 17:55 编辑 ]

生少爷

Milly猫猫

点解我自己睇唔到张帖既内容既？？空白一片~

秋风起

又见车网托出没！

请专业点，不要GPS有就算数呱？

悠闲

我都看到一片空白，战场打扫得太干净了？

车飚

原帖由 悠闲 于 2012-2-14 21:42 发表
我都看到一片空白，战场打扫得太干净了？

;P

CCGAME

在顺德边个位置？大良吗？

戴维斯

呢间旺到痴线的，一定要订台或早到

戴维斯

另外，距隔离酒楼个蛇羹好正，  不过呢间就只推荐个蛇羹甘大把

Milly猫猫

点解有人睇到有人睇唔到...搞到我比人误会系托
再编辑都系唔得哦~~~大C~~~~~~

清晖

空白一片~

Milly猫猫

[ 本帖最后由 Milly猫猫 于 2012-2-15 11:43 编辑 ]

戴维斯

原帖由 Milly猫猫 于 2012-2-15 10:50 发表
点解有人睇到有人睇唔到...搞到我比人误会系托
再编辑都系唔得哦~~~大C~~~~~~

图片睇到

他说“托”是开玩笑，别上心

zzh1206

乜都睇吾到~~~~~~

Milly猫猫

实在无奈未搞好图片，知道开玩笑就放心喇~
附个地址先：大良同兴路，顺德国际商业城地铺（唔系靠马路面，而系要开入去背靠马路面既地铺），系间club隔离。

Milly猫猫

之前做左功课都知道花甲炒通菜好，不过呢个时候部长好麦兜锦话：“无花甲无通菜”，所以就转距推荐既焖笋炒生菜喇